සිංහල දෙමළ අලුත් අවුරුදු උත්සවය වෙනුවෙන් අධ්‍යාපන අමාත්‍යාංශයේ සකස්කර තිබූ අලුත් අවුරුදු කෑම මේසය විවෘත කිරීමේ උත්සව අවස්ථාවට එක්වෙමින් පසුගියදා මේ බව සඳහන් කළේය.
ගුරු තුලනය ඇති කිරීම, පාසල් සිසුන් සඳහා නවීන ඩෙස් පුටු ලබාදීම, වසර 13 ක අඛණ්ඩ අධ්‍යාපනය ලබාදීම ඇතුළු කාර්යයන් කෙරේ ඉදිරියේ දී ප්‍රමුඛතාව ලබා දීමට එම අංශ භාර නිලධාරීන් කටයුතු කළ යුතු බව සිහිපත් කළ අමාත්‍යවරයා, විවිධ පාර්ශවවලින් විවිධාකාරයේ විවේචන එල්ල වුව ද එම විවේචන ශක්තියක් කර ගනිමින් අධ්‍යාපන අමාත්‍යාංශය ජනතාවට වැඩක් කරන අමාත්‍යාංශයක් බවට පත්කිරීමට පසුගිය වසර දෙකක කාලය තුළ අමාත්‍යාංශයේ කාර්ය මණ්ඩලයේ සියලු සාමාජිකයින්ගෙන් ලැබුණු සහයෝගය විශේෂ ඇගයීමට ලක් කළා.
විවේචනවලට පිළිතුරු දිය යුත්තේ තමන්ට පැවරී ඇති රාජකාරිය නිසි පරිදි ඉටුකිරීම මගින් බව පෙන්වා දුන් අමාත්‍යවරයා පැවරුණු කාර්යයන් නිම කිරීමට කටයුතු කිරීමේ දී නිලධාරීන්ට ගැටලු මතුවන ඕනෑම අවස්ථාවක ඒවා නිරාකරණය කිරීමට අවශ්‍ය සහය ලබාදීමට තමා සූදානම් බව ද කියා සිටියා.
මෙම අවස්ථාවට අධ්‍යාපන ලේකම් සුනිල් හෙට්ටිආරච්චි මහතා සහ අතිරේක ලේකම්වරුන්, දෙපාර්තමේන්තු ප්‍රධානීන් ඇතුළු සියලුම මාණ්ඩලික නිලධාරීන් එක්ව සිටියහ.
