නාගරික ජනාවාසවල වෙසෙන හැටදහසක ජනතාවට ස්ථීර නිවහන් ලබාදීම නාගරික පුනර්ජීවන ව්‍යාපෘතිය මගින් සිදු කෙරේ. ඒ සඳහා දායක වන ශ්‍රමිකයින්ගේ වටිනාකම, කැපකිරීම නිසි ලෙස ඇගයුමට ලක් කර ගරු බුහුමනට ලක් කිරීම මෙම සම්මාන ප්‍රදානයෙහි අරමුණ වන අතර මෙහිදී හොඳම ආකෘති නිවාසවලට හිමි සම්මාන අදාළ සමාගම් සදහා ජනාධිපතිතුමා අතින් පිරිනමන ලදී.
අමාත්‍යවරුන් වන පාඨලී චම්පික රණවක, අර්ජුන රණතුංග, රාජ්‍ය අමාත්‍ය ඒ.එච්.එම්. ෆවුසි, නියෝජ්‍ය අමාත්‍ය ලසන්ත අලගියවන්න, මහනගර හා බස්නාහිර සංවර්ධන අමාත්‍යාංශයේ ලේකම් නිහාල් රූපසිංහ, නාගරික සංවර්ධන අධිකාරියේ ව්‍යාපෘති අධ්‍යක‍ෂ බ්‍රිගේඩියර් රංජිත් සමරසිංහ යන මහත්වරුන් ඇතුළු පිරිසක් මෙම අවස්ථාවට එක්ව සිටියහ.
