ජනාධිපති මෛතී‍්‍රපාල සිරිසේන මැතිතුමා සහ ආධ්‍යාත්මික නායක දලයි ලාමාතුමා ඉන්දියාවේ බිහාර් ප‍්‍රාන්තයේ නව නාලන්දා මහා විහාර විශ්වවිද්‍යාලයේ උත්සවයක් සඳහා සහභාගීවීමට නියමිත බවට පසුගිය සිකුරාදා පුවත්පත පළකර තිබෙන වාර්තාව අසත්‍ය බවත්, එය කිසිදු අයුරකින් කරුණු තහවුරු කර නොගෙන වාර්තා කර ඇති බවත්, එබැවින් එම ප්රවෘත්තිය ප‍්‍රතික්ෂේප කරන බවත් ජනාධිපති කාර්යාලය සඳහන් කරයි.
ඒ අනුව, ජනාධිපතිතුමා ඉදිරි දින කිහිපය තුළ කිසිදු ඉන්දීය සංචාරයකට සහභාගීවීමට නියමිතව නොමැති බව වැඩිදුරටත් දන්වා සිටී.
