පසුගිය දිනවල ගම්පහ දිස්ත්‍රික්කය තුළ මුහුණු ආවරණය කරන දල හෙල්මට් භාවිතා කරමින් යතුරුපැදිවල ගමන් කර මහමග ගමන් ගන්නා පදිකයින් සහ ත්‍රීරෝද රථවල ගමන් ගන්නා මඟීන්ගේ අත්බෑග් ඇතුළු දේපළ කොල්ලකෑමේ යෙදුණු සන්නන්ධ කොල්ලකල්ලියක සාමාජිකයන් දෙදෙනෙකු යතුරුපැදියක් සමඟ අත්අඩංගුවට ගැනීමට මීගමුව පොලීසිය සමත්ව සිටී.
පසුගිය දිනවල වාර්තා වූ මෙවැනි අපරාධ රාශියක් සම්බන්ධව සෙවිල්ලෙන් සිටි මීගමුව මූලස්ථානය ප්‍රධාන පොලිස් පරීක්ෂක සමන්තිලක වැලිවිට මහතා විසින් සිදු කරන ලද විශේෂ මෙහෙයුමක ප්‍රතිඵලයක් ලෙස මෙම අපරාධකරුවන් අත්අඩංගුවට ගැනීමට හැකි වී ඇත.
මෙවැනි අපරාධයන්ට ලක් වූ අය සිටි නම් මීගමුව මූලස්ථාන ප්‍රධාන පරීක්ෂකවරයා දූරකතන අංක 031-2224289 පොලීසිය අමතා විස්තර ලබාගන්නා ලෙසට ශ්‍රී ලංකා පොලීසිය මහජනතාවගෙන් ඉල්ලා සිටී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
