පාර්ලිමේන්තු මහමැතිවරණයේ නිල ඡන්ද ප්‍රතිඵල මුද්‍රිත මාධ්‍ය වෙත නිකුත් කිරීමට මෙවරත් රජයේ ප්‍රවෘත්ති දෙපාර්තමේන්තුව කටයුතු සූදානම් කර තිබේ.
මැතිවරණ කොමසාරිස් මහින්ද දේශප්‍රිය මහතාගේ උපදෙස් අනුව, රජයේ ප්‍රවෘත්ති අධ්‍යක්ෂ ජනරාල් ආචාර්ය දර්ශනී ගුණතිලක මහත්මියගේ පූර්ණ අධීක්ෂණය යටතේ මැතිවරණ මහලේකම් කාර්යාලයේ නිකුත් කෙරෙන නිල ප්‍රතිඵල සියලුම මුද්‍රිත මාධ්‍ය වෙත නිකුත් කෙරේ.
මීට සමගාමීව රජයේ නිල පුවත් වෙබ් අඩවිය හා කෙටි පණිඩුව සේවාව ඔස්සේ නිල ඡන්ද ප්‍රතිඵල ලබාදීමට කටයුතු සැලසුම් කර ඇත.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
