ලබන 17 වැනිදා පැවැත්වෙන මහමැතිවරණය වෙනුවෙන් දිවයින පුරා ඡන්ද මධ්‍යස්ථාන 12,314ක් ස්ථාපිත කර තිබෙන බව නියෝජ්‍ය මැතිවරණ කොමසාරිස් එම්.එම්. මොහොමඩ් මහතා රජයේ නිල පුවත් වෙබ් අඩවියට පැවසීය.
ඡන්දය පාවිච්චි කිරීම සඳහා ඡන්ද දායකයින් එක්කෝටි පනස් ලක්ෂ හතලිස් හතර දහස් හාරසිය අනූවක් සුදුසුකම් ලබා සිටිති.
මැතිවරණ රාජකාරී සඳහා එක්ලක්ෂ විසිපන් දහසක් යොදවා තිබෙන අතර ඡන්දය ගණනන් කිරීම සඳහා 70,000ක් පමණ පිරිසක් යෙදවීමට කටයුතු කර තිබෙන බව ද ඒ මහතා සඳහන් කළේය.
ඡන්ද මධ්‍යස්ථාන සඳහා ඡන්ද පෙට්ටි බෙදා හැරීම ලබන 16 වැනි දා පෙරවරුවේ සිදු කෙරෙන බව ද ඒ මහතා වැඩිදුරටත් පැවසීය.
kpm
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
