අයි.එම්.එෆ් සහනය සම්බන්ධව පාර්ලිමේන්තුවේ පැවැති විවාදයට එක්වෙමින් අමාත්‍යවරයා මේ බව පැවසීය.
තවදුරටත් අඳහස් දැක්වූ අමාත්‍යවරයා;
විපක්ෂය වගකීම භාර ගත්තේ නෑ. ආර්ථික කළමනාකරණය කරන්න බෑ කිව්වා.අපි සියලු ප්‍රශ්න තියෙද්දි වගකීම භාර ගත්තා.අයි.එම්.එෆ් වැඩපිළිවෙලට සියලු රටවල් එකතු කර ගත්තා. ඇමරිකාව චීනය එක ස්ථානයකට ගත්තා.සියලු රටවල් එක්ක යන්න අපේ ප්‍රතිපත්ති තියාගන්න ඕන. අපිට ප්‍රතිපත්ති ගිළිහුණා. එහි නරක ප්‍රතිඵල තිබුණා. අපි මූල්‍ය විනයක් හදාගත්තා.බදු ප්‍රමාණ අඩු කරගත්තා.ආදායම අඩු කර ගත්තා.
රටට අවශ්‍ය වැඩපිළිවෙල ආරම්භ කළා.වියදම් අඩු කරන වැඩපිළිවෙලකට යන්න වුණා.මෙහි ප්‍රතිඵලය තමයි අපි භුක්ති විදින්නේ. රටේ දුප්පත් ජනතාවක් ඉන්නවා සහන ලබාදෙන්න ඕන.රටේ ජනතාවගේ ආදායම වැඩි කරන වැඩපිළිවෙලකට යා යුතුයි. ආදායම වැඩි නොකර රටේ මිනිසුන්ගේ ප්‍රශ්නය විසදෙන්නේ නෑ. ආදායම් වැඩි කරන ආර්ථිකයක් ජනතාවට හදා දෙන්න ඕන යැයි ද අමාත්‍යවරයා පැවසීය.
