පාර්ලිමේන්තු මන්ත්‍රීවරුන් වන යදාමිණි ගුණවර්ධන සහ ජයන්ත කැටගොඩ යන මහත්වරුන්ගේ යෝජනා ස්ථිරත්වයෙන් ලොකුගේ මහතා තෝරා පත් කර ගැනිණි.
මෙහිදී අදහස් දැක්වූ අභිනව සභාපතිවරයා පවසා සිටියේ මහජන පෙත්සම් කාරක සභාවෙන් මීට පෙර ලබාදුන් නිර්දේශ ක්‍රියාත්මක නොවූ අවස්ථා පිළිබඳ විශේෂ අවධානය යොමුකර ඒ සඳහා ඉදිරි ක්‍රියාමාර්ග ගැනීමට කටයුතු කරන බවයි.
මහජනතාවට සාධාරණය ඉෂ්ට කිරීම සඳහා ඉතා වැදගත් මෙහෙයක් ඉටු කරන මහජන පෙත්සම් පිළිබඳ කාරක සභාවේ සභාපතිවරයා ලෙස තමා මීට පෙර ද කටයුතු කළ බව සිහිපත් කළ ගාමිණි ලොකුගේ මහතා පවසා සිටියේ ඉදිරියේදීත් ඒ සඳහා කැප වන බවයි.
රාජ්‍ය අමාත්‍යවරුන් වන ජගත් පුෂ්පකුමාර, එස් වියාලේන්ද්‍රන්, අරවින්ද් කුමාර්, ගීතා කුමාරසිංහ, පාර්ලිමේන්තු මන්ත්‍රීවරුන් වන දිලිප් වෙදාරච්චි, ජයන්ත කැටගොඩ, මොහොමඩ් මුසම්මිල්, වේලුකුමාර්, වරුණ ලියනගේ, මායාදුන්න චින්තක අමල්, රාජිකා වික්‍රමසිංහ සහ යදාමිණි ගුණවර්ධන යන මහත්මීහු කාරක සභාවේ සාමාජික මන්ත්‍රීවරයන් ලෙස මෙම අවස්ථාවට එක්ව සිටියහ. මීට අමතරව ජගත් කුමාර සුමිත්‍ර ආරච්චි මන්ත්‍රීවරයා ද මෙම අවස්ථාවට සහභාගී විය.
