ලංකාවේ කම්කරු නීතියේ පවතින විවිධ පරස්පරතාවයන්, දුෂ්කරතාවයන් පිළිබඳ ඔවුන් අමාත්‍යවරයා වෙත කරුණු ඉදිරිපත් කරන ලදී.එහි දී විශේෂයෙන්ම ව්‍යාපාරයක් අවසන් කිරීමේදී මුහුණපාන ගැටලු සම්බන්ධයෙන් ඔවුන් දීර්ඝ ලෙස අදහස් ඉදිරිපත් කර තිබේ.
වර්තමානයේ පවතින ගැටලු හා ආර්ථික වර්ධනය ඉලක්ක කරගනිමින් කම්කරු නීතිය සංශෝධනය කරන ආකාරය සම්බන්ධයෙන් අමාත්‍යවරයා කරුණු පැහැදිළි කළේය.
ව්‍යාපාරවල සාර්ථකත්වය ආරක්ෂාවන ආකාරයට මෙන්ම, සේව්‍ය සේවක දෙපාර්ශවයටම කිසිදු අසාධාරණයක් සිදු නොවන ආකාරයට, සාමූහික වගකීම ආරක්ෂා වන ආකාරයට මෙම නීති ගෙන එන බවටද අමාත්‍යවරයා සහතික වී තිබේ.
සේවකයන් ඉලක්ක කරගෙන ක්‍රියාත්මක කිරීමට අපේක්ෂිත සමාජ ආරක්ෂණ ක්‍රමවේදයන් පිළිබදවත්, මාතෘ නිවාඩු ලබාදීමේදී ව්‍යාපාරවලට දැරිමට සිදුවන බර සැහැල්ලු කිරීම සඳහා රජයට මැදිහත්විය හැකි ආකාරය ගැනත් මෙහිදී සාකච්ඡා කරනු ලැබිය.
කම්කරු අමාත්‍යවරයෙක් සමග ඉතිහාසයේ පළමු වරට මෙවැනි සාකච්ඡාවක් පැවැත්වීම සම්බන්ධයෙන් ඉන්දියානු සමාගම්වල ප්‍රධාන විධායක නිලධාරීවරුන් මෙහි දී ඔවුන්ගේ ප්‍රසාදය පළ කළ අතර මේ අවස්ථාවට අමාත්‍යාංශ ලේකම් ආර්.පී.ඒ විමලවීර, කම්කරු කොමසාරිස් ජනරාල් ප්‍රභාත් චන්ද්‍රකීර්ති, අමාත්‍යවරයාගේ උපදේශක ශාන් යහම්පත් යන මහත්වරු ද එක්ව සිටියහ.
