රජයේ ප්‍රවෘත්ති දෙපාර්තමේන්තුව සහ මෙට්‍රපොලිටන් ආයතනය එක්ව සංවිධානය කළ කැමරා තාක්ෂණ වැඩමුළුව ජනමාධ්‍ය අමාත්‍ය ආචාර්ය බන්දුල ගුණවර්ධන මහතාගේ ප්‍රධානත්වයෙන් (27) රජයේ ප්‍රවෘත්ති දෙපාර්තමේන්තු පරිශ්‍රයේ දී පැවැත්විණ.
ජනමාධ්‍ය වෘත්තියේ නිරත ජනමාධ්‍යවේදීන් හා අමාත්‍යංශ මාධ්‍ය නිලධාරීන් ඇතුලු මාධ්‍ය ක්ෂේත්‍රයේ නියැලෙන පිරිස වෙනුවෙන් මෙම වැඩසටහන සංවිධානය කර තිබුණි.
දර්පන රහිත කැමරා භාවිතය ඇතුලු විවිධ මාතෘකා ඔස්සේ පැවැත්වූ මෙම වැඩමුළුවට මෙට්‍රපොලිටන් සමූහයේ ඉහළ නිලධාරීන් ඇතුළු පිරිසක්ද එම ආයතනය නියෝජනය කරමින් එක්වූ අතර රජයේ ප්‍රවෘත්ති අධ්‍යක්ෂ ජනරාල් දිනිත් චින්තක කරුණාරත්න මහතා ඇතුලු නිලධාරීන් රජයේ ප්‍රවෘත්ති දෙපාර්තමේන්තුව නියෝජනය කරමින් එක්විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
