ඔවුන්ගේ නිෂ්පාදනවල තරඟකාරිත්වය වැඩි දියුණු කිරීම සඳහා වඩාත්ම නවීන මුද්‍රණ සහ ඇසුරුම් ශිල්පීය ක්‍රම හඳුන්වා දීමෙන් අපනයනකරුවන් නඟා සිටුවීමට පහසුකම් සැලසීම මෙම හවුල්කාරිත්වයේ අරමුණයි.
එසේම අපනයනකරුවන්ට මුද්‍රණ සහ ඇසුරුම්කරණ හැකියාවන් ගවේෂණය කිරීමට අවස්ථාව සලසා දීම සහ තම නිෂ්පාදන සඳහා නවීන තාක්ෂණය යොදා ගනිමින් සහ වඩාත් සුදුසු ඇසුරුම් ක්‍රම අනුගමනය කරමින් නිෂ්පාදන සඳහා තරඟකාරී වාසියක් ලබා ගැනීමට පසුබිම සැකසීම මෙහි තවත් අරමුණු වේ.
EDB හි සභාපති සහ ප්‍රධාන විධායක සුරේෂ් ඩී ද මෙල් මහතා සහ Printcare Digital Solutions (පුද්ගලික) සමාගමේ සභාපති KR රවීන්ද්‍රන් මහතා මෙන්ම ජාතික ඇසුරුම් මධ්‍යස්ථානයේ සාමාජිකයින් පිරිසක් මෙම අවස්ථාවට සහභාගී විය.
