ඉදිරියේදී පැවැත්වීමට නියමිත පළාත් පාලන ආයතන ඡන්ද විමසීමේ දී නාමයෝජනා භාර දුන් පිළිගත් දේශපාලන පක්ෂ වල ලේකම්වරුන් සමඟ සාකච්ඡාවක් 2023.01.24 වන දින පෙ.ව.10.00ට මැතිවරණ කොමිෂන් සභාවේ දී පැවැත්වීමට කටයුතු සංවිධානය කර ඇති බව මැතිවරණ කොමිසම දන්වයි.
එම කොමිසමේ මාධ්‍ය ඒකකය විසින් 2023.01.23 වන දින මේ සම්බන්ධයෙන් මාධ්‍ය නිවේදනයක් නිකුත් කරමින් දන්වා ඇත.
එහිදී මැතිවරණය ඉදිරියේදී පැවැත්වීම සම්බන්ධයෙන් එක් එක් පක්ෂවල ප්‍රචාරක කටයුතු හා මැතිවරණ නීතියට අනුව කටයුතු කරන්නේ කෙසේද යන්න පිළිබඳ සාකච්ඡා කිරීමට නියමිත බව මැතිවරණ කොමිසම තවදුරටත් පෙන්වා දෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
