විදේශ විනිමය ගැටළුව විසඳා ගත් සැනින්, ආනයන තහනම ඉවත් කිරීමට කටයුතු කරන බව කැබිනට් ප්‍රකාශක අමාත්‍ය රමේෂ් පතිරණ මහතා පැවසීය.
අද(13) රැස් වූ කැබිනට් මාධ්‍ය හමුවේ දී මේ සම්බන්ධයෙන් මාධ්‍යවේදියෙකු නැගූ ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කළේය.
කර්මාන්ත ක්ෂේත්‍ර යේ නියැළි විශාල පිරිසක් මේ පිළිබඳ ඉල්ලීම් කර ඇති බවත් , සති දෙකකට වරක් රැස් වෙන කමිටුවක් මඟින් මේ පිළිබඳ සමාලෝචනය කිරීමට බලාපොරොත්තු වන බව පැවසූ අමාත්‍යවරයා, මෙය ස්ථිර ලැයිස්තුවක් නොවන බව පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
