ඉන්ධන තොග බෙදා හැරීම පිළිබඳව සමාලෝචනය කර ඉදිරි දින 3 තුළ දිවයින පුරා අමතර ඉන්ධන තොග බෙදා හැරීමට තමන් උපදෙස් ලබා දී ඇති බව විදුලිබල හා බලශක්ති අමාත්‍ය කංචන විජේසේකර මහතා නිකුත් කළ ට්විටර් පණිවුඩයක සඳහන් වෙයි.
එම පණිවුඩයේ වැඩි දුරටත් සඳහන් කරන්නේ, බෙදා හැරීමේ අඩුපාඩු, ගොඩබෑමේ ප්‍රමාදයන් සහ ඉන්ධන පිරවුම්හල් මගින් ඇණවුම් සඳහා ගෙවීම් ප්‍රමාද වීම හෙතුවෙන් දිගු පෝලිම් නිර්මාණය වී ඇති බවයි.
කෙසේ වෙතත් නැවත ඇති වෙමින් පවතින දිගු පෝලිම් ඉදිරි දින 2 තුළ අවම කිරීමට සැලසුම් කරන බවද එම ට්විටර් පණිවුඩයේ කියයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
