අධ්‍යක්ෂ ජනරාල්වරයා ඒ බව සඳහන් කළේ අද (30) “ප්‍රවාහන සැලසුම් හා මිල සංශෝධනය” යන මාතෘකාවෙන් රජයේ ප්‍රවෘත්ති දෙපාර්තමේන්තුව සංවිධාන කළ ප්‍රවෘත්ති සාකච්ඡාවට එක්වෙමිනි.
2022 වර්ෂයේ අවස්ථා හතරකදී බස් ගාස්තු වැඩිකළ අතර එහිලා පාදක වූයේ ඉන්ධන මිල ඉහළ යාම යන නිර්ණායකය පමණි. නමුත් වාර්ෂික බස් ගාස්තු වැඩි කිරීමේදී ඉන්ධන මෙන්ම අමතර කොටස්වල මිල ඉහළ යාම, ඩොලරයේ අගය වැඩි වීම ඇතුළු නිර්ණායක දොළහක් යටතේ ගණනය කොට බස්රථ සංගම් සමග ද සාකච්ඡා කර මෙම තීරණයට එළඹි බව ඔහු පැවසීය.
22% කින් බස් ගාස්තු වැඩිවන අතර, අවම බස් ගාස්තුව රුපියල් හතළිහකි. ගාස්තු වැඩිවීම ශ්‍රී ලංකා ගමනා ගමන මණ්ඩලය, පුද්ගලික බස්රථ යන අංශ දෙකෙහිම සාමාන්‍ය හා සුඛෝපභෝගී සේවාවන්ට අදාළ වන බව අධ්‍යක්ෂ ජනරාල්වරයා ප්‍රකාශ කළේය.
