පනවා තිබූ ඇඳිරිනීතිය අද (04) පෙරවරු 6.00 ට ඉවත් විමත් සමඟ සාමාන්‍ය පරිදි දුම්රිය ධාවනය කිරීමට උපදෙස් ලබා දී ඇති බව දුම්රිය නියෝජ්‍ය සාමාන්‍යධිකාරී ඒ.ඩි.ජී.සෙනවිරත්න මහතා ප්‍රකාශ කළේය.
ඒ මහතා මේ බව කියා සිටියේ අද (04) රජයේ නිල පුවත් වෙබ් අඩවිය කළ විමසුමේ දී ය.
එහෙත් අද පෙරවරුවේ යම් දුම්රිය ධාවන කටයුතු ප්‍රමාදයක් සිදුවිය හැකි බව පැවසූ ඒ මහතා, ඊට හේතුව වශයෙන් ප්‍රකාශ කළේ , පෙරවරුවේ ඇඳිරි නීතිය අවසන් වුවත් රියදුරු මහත්වරුන් හට නියමිත වෙලාවට ධාවන කටයුතු සඳහා පැමිණීමට යම් යම් දුෂ්කරතා පැමිණ තිබීම බවය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
