ලෝක බැංකුවේ කෘෂි විශේෂඥවරයා ලෙස මෙරට කෘෂිකර්ම ක්ෂේත්‍රයේ උන්නතිය වෙනුවෙන් ඉමහත් සේවාවක් සිදු කළ ඇන්ඩෘ ගුඩ්ලන්ඩ් මහතා සේවාවෙන් සමු ගැනීමට පෙර කෘෂිකර්ම අමාත්‍ය මහින්දානන්ද අලුත්ගමගේ මහතා හමුවී ශ්‍රී ලංකාවේ සේවයට ලෝක බැංකුව නම්කර ඇති නව නව නියෝජිතයා වූ ජෝන හයිසර් මහතා හඳුන්වා දෙනු ලැබීය.
ඇන්ඩෘ මහතා මෙරට සිටි කාලය තුළ මෙරට කෘෂිකර්ම ක්ෂෙත්‍රයට සිදු කළ සේවාව අගය කළ අමාත්‍යවරයා නව නියෝජිත ජෝන් හයිසර් මහතා ද එලෙසම මෙරට කෘෂිකර්ම ක්ෂේත්‍රයේ දියුණුව උදෙසා සහය දෙනු ඇති බව විශ්වාසය පළ කළේය.
ලෝක බැංකුවේ සහය ඇතිව මෙරට කෘෂිකර්ම ක්ෂේත්‍රයේ ප්‍රගතියක් ඇති කිරීම සම්බන්ධයෙන් ද මෙම හමුවේදී දෙපාර්ශවයේ අවධානය යොමු විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
