ඔක්තෝබර් 22, 2021
tami eng youtube  twitter facebook

    ස්පුට්නික් එන්නතේ පළමු මාත්‍රාව ලබා ගත් මහනුවර දිස්ත්‍රික්කයේ සියලු දෙනාට එහි දෙවෙනි මාත්‍රාව - රාජ්‍ය අමාත්‍ය චන්න ජයසුමන

    සැප්තැම්බර් 20, 2021

    ස්පුට්නික් එන්නතේ පළමු මාත්‍රාව ලබා ගත් මහනුවර දිස්ත්‍රික්කයේ සියලු දෙනාට එහි දෙවෙනි මාත්‍රාව අද (20) දිනයේ සිට ලබා දීම ආරම්භ කරන බවත්, අවශයය එන්නත් ඊයේ (19) උදෑසන මෙරටට ලැබී ඇති බැවින්, ස්පුට්නික් එන්නතේ ඒ තියන ප්‍රශ්නය අපිට නිමා කරන්න පුලුවන් යැයි ඖෂධ සැපයුම් නියාමන රාජ්‍ය අමාත්‍ය චන්න ජයසුමන මහතා ප්‍රකාශ කරයි.

    අමාත්‍යවරයා මේ බව ප්‍රකාශ කළේ, එප්පාවල ප්‍රාදේශීය රෝහලේ නිරීක්ෂණ චාරිකාවකින් අනතුරුව මාධ්‍යවේදීන් නැගූ ප්‍රශ්න වලට පිළිතුරු ලබා දෙමින්ය.


    එහිදී වැඩිදුරටත් මාධ්‍ය වෙත අදහස් දැක්වූ අමාත්‍යයවරයා,

    පාසල් ළමුන්ට එන්නත් ලබා දිය යුතුයි කියන තීරණයේ දැන් අපි ඉන්නවා.අවුරුදු 15 සිට පාසල් ළමුන්ට ආරම්භක අදියරේ එන්නත් ලබා දීම අපි සිදු කරනවා.ෆයිසර් එන්නත තමයි අපි ලබා දෙන්නේ.ෙරජයේ රෝහලක තමයි එන්නත් ලබා දීම සිදු කෙරෙන්නේ වෛද්‍යවරුන්ගේ අධීක්ෂණය යටතේ.ඒ සඳහා මොන දිනයේ දී අපි ආරම්භ කරන්නේ කියලා තව දින කීපයකදී තීරණය කරනවා.මොකද ෆයිසර් එන්නත ප්‍රවාහන‌යේ දී සහ ගබඩා කිරීමේ දී විශේෂ අවධානයක් යොමු කරන්න ඕන.ශීතදාමය රැක ගන්න ඕන ,විශේෂිත ශීතාගාර තත්ව යටතේ තමයි මේ එන්නත තියා ගන්න ඕන.ලංකාව පුරාම ෆයිසර් එන්නත ලබා දෙනවා නම් ඔඑම රෝහල් වල තියෙන පහසුකම් බලලා , රෝහල් කාර්ය මණ්ඩලයට විශේෂ පුහුණුවක් ලබා දෙන්න ඕන ෆයිසර් එන්නත ලබා දීමේ දී, ඒ නිසා එම කටයුතු සූදානම් කර ගන්න අපිට දින කිහිපයක් ගත වෙනවා.ඒ කටයුතු සූදානම් කළාට පස්සේ අපිට පුලුවන් අවුරුදු 15 සිට ඉහළ වයස් කාණ්ඩයේ පාසල් ළමුන්ට එන්නත්කරණ කටයුතු ආරම්භ කරන්න.ඒ සඳහා අවශ්‍ය වන ෆයිසර් එන්නත් අපේ රටට ඉදිරි සති කීපයේදී ලැබීමට නියමිතයි.

    ෆයිසර් එන්නත ලබා ගැනීමට ලොව පුරා ඉතා දැඩි තරඟකාරීත්වයක් තියෙනවා.අපි ජනවාරී මාසේ ඒ සඳහා අයදුම් කරලා, ඒ නිර්නායක සැපිරූ නිසා තමයි අපිට මේ විදිහටත් ෆයිසර් එන්නත ලැබෙන්නේ.මේවා ගැන දැනුමක් තේරුමක් නැති අය කටවාචාලකමට කියනවා, සතියකට ෆයිසර් එන්නත් එන්නේ මෙච්චරයි මේක එක පාර ගන්න පුළුවන් කියලා.එහෙම ගන්න පුළුවන් නම් ලෝකයේ අනෙක් රටවලුත් අරගෙන ගහනවා.එහෙම ඉල්ලන ඉල්ලන විදිහට එන්නත් ලබා දෙන්නේ නෑ, ඒවා නිෂ්පාදනය කරන සමාගම් හා ඒ රටවල්,ඒවා අයදුම් කරපු අනුපිළිවලට තමයි ඒ අවස්ථා ලැබෙන්නේ.අපිට මෙහෙමවත් ලැබෙන්නේ අපි කල්වේලා ඇතිවම ඉල්ලුම් කරපු නිසා.ඉදිරි මාස කීපයේදී අපිට ෆයිසර් එන්නත් ලක්ෂ 40ක් ලැබීමට නියමිතයි.අද (20) උදෑසනත් යම් ප්‍රමාණයක් ලැබෙනවා.ඉදිරි සති කිහිපයේ දී එම ප්‍රමාණය වැඩිවෙන්න නියමිතයි.අපිට ඔක්තෝම්බර් මාසයේ 10-11 වෙනකොට තවත් ලක්ෂ 08කට ආසන්න ෆයිසර් එන්නත් ප්‍රමාණයක් ලැබෙන්න නියමිතයි.ඊට පස්සේ ඉතිරි ඒවා ක්‍රමානුකූලව ලැබෙනවා.ඒ ගැන විචිකිච්චාවක් තියා ගන්න නරකයි.එන්නත්කරණ වැඩපිළිවෙල ආරම්භ කරලා ඉදිරියට යනකොට ඒ අවශ්‍ය ප්‍රමාණය ලබා ගන්න තමයි අපි සැලසුම් කරලා තියෙන්නේ, ඉතින් මේ වගේ කතන්දර මීට ඉස්සෙලත් කිව්වා.ඇස්ට්‍රාසෙනිකා පළවෙනි එක ගැහුවා දෙවෙනි එක ගහගන්න බැරුව ඉන්නවා කියලා.අපි ඒක මේ වෙනකොට ගෙනැල්ලා ලබා දීලා තියෙනවා.ඊට පස්සේ කිව්වා රුසියානු ස්පුට්නික් එකේ පළමුවැනි එක විතරයි දෙවැනි එක ගහන්නේ නෑ කොළ අත්සන් කරගෙන මිනිස්සුන්ව රවට්ටනවා කියලා නමුත් (19) උදෑසන අවශ්‍ය වන එක්ලක්ෂ විසි දහසක් වන ස්පුට්නික් එන්නතේ දෙවැනි මාත්‍රාව ලැබිලා තියෙනවා.ඒ අනුව ලංකාවේ ස්පුට්නික් එන්නත ලබා ගත් සියලු දෙනාටත් එය සම්පූර්ණ කිරීමේ අවස්ථාව උදා වෙනවා.කළබල වෙලා මාධ්‍ය ඉස්සරහා වීරයෝ වෙන්න බොරු පුහු පූච්චානම් කථා නොකියා මේ වැඩපිළිවෙලට සහය දක්වනන්.අපි මේ එන්නත්කරණ වැඩපිළිවෙලේ වගකීම අරගෙන තියෙනවා.එන්නතක පළමු මාත්‍රාව ගත්ත කෙනාට දෙවැනි මාත්‍රාව ගන්න නැතිව අමාරුවේ වැටෙන්න ඉඩ තියන්නේ නෑ,මේක පුළුවන් නිසා තමයි වගකීම ගත්තේ, භාර ගත්ත වගකීම හරියට ඉටු කරනවා.

    දැනට මහනුවර දිස්ත්‍රික්කයේ තමයි ස්පුට්නික් එන්නතේ පළමු මාත්‍රාව ලබා ගෙන දෙවැනි මාත්‍රාව ලබා ගන්න බලාපොරොත්තුවෙන් ඉන්නේ,ඒ සියලු දෙනාටම අවශයය එන්නත් ඊයේ (19) උදෑසන මෙරටට ලැබිලා තියෙනවා, අපි බලාපොරොත්තු වෙනවා (20) දිනයේ සිට මේ කටයුත්ත ආරම්භ කරන්න පුලුවන් කියලා.ඒ අනුව ස්පුට්නික් එන්නතේ පළමු මාත්‍රාව ලබා ගත් සියලු දෙනාට දෙවැනි මාත්‍රාව දීලා ස්පුට්නික් එන්නතේ ඒ තියන ප්‍රශ්නය අපිට නිමා කරන්න පුලුවන්.

    පාසල් දරුවන්ට එන්නත ලබා දීම පිළිබඳව තීරණය ගත්තේ ළමා රෝග සම්බන්ධ විශේෂඥ වෛද්‍යවරුන් නියෝජනය කරන හා මේ සම්බන්ධ සියලු විශේෂඥයින් නියෝජනය කරන කමිටු වලින්, ඒ විශේෂඥයින්ගේ සියලු අදහස් විමසලා.ලෝකයේම පාසල් ළමුන්ට එනන්ත් ලබා දීමේදී ඇති වූ තත්වයන් පිළිබඳ දීර්ඝ ලෙස කරුණු සලසලා.ඒ නිසයි සියලු පාසල් ළමුන්ට එන්නත ලබා නොදී වයස අවුරුදු 15 සිට ඉහළට සිටින පාසල් ළමුන්ට පමණක් පළමුවැනි අදියරේදී එන්නත ලබා දෙන්න තීරණය කිලේ, ඒ වගේම රෝහල් වලදීම මෙම එන්නත්කරණය කරන්න තීන්දු කළෙත් පාසල් ළමුන්ගේ පරිස්සම ගැන හිතලා.එන්නත් වලින් ඉතාම දුර්ලභ විදිහට එන්න පුලුවන් අතුරු ආබාධ පිළිබඳවත් අපි ඉතා සංවේදියි.ඒ නිසා තමයි ෆයිසර් එන්නත පමණක් මේ සඳහා යොදා ගන්න අපිට නිර්දේශ ලැබිලා තියෙන්නේ.ප්‍රශ්නයක් ඇති නොවෙන්න ගන්න පුලුවන් හැම පියවරක්ම අරගෙනයි තියෙන්නේ.මේ ගැන භිය වෙන්න එපා, යම්කිසි සැකයක් තියෙනවා නම් ඒක නිරාකරණය කර ගන්නත් අවස්ථාවක් අපි දීලා තියෙනවා, වෛද්‍යවරයෙක් මුණ ගැහිලා ඒ පිළිබඳව කරුණු කාරණා විමසන්න පුළුවන්, හැබැයි දැනට භිය වෙන්න කිසිම හේතුවක් නෑ.තමන්ගේ දරුවා අවුරුදු 15 ට වැඩි නම්, අවුරුදු 15-19 කාණ්ඩයේ ඉන්නවා නම් ඉදිරියේදී අපි පහසුකම් සපයනවා, එන්නත ලබා ගන්න කියන ඉල්ලීම කරනවා.

    පෙර පාසල් විවෘත කිරීම සම්බන්ධයෙන් තවම නිශ්චිත දිනයක් නියම කරලා නෑ, ඒ පිළිබඳව ජනාධිපති කාර්යසාධන බලකායේදී සාකච්ජා කරනවා.පොදුවේ ගත්තාම පාසල් වගේම පෙර පාසලුත් විවෘත කිරීම සඳහා කටයුතු යෙදිය යුතුයි.යුනිසෙෆ් ආයතනය දරණ මතය වන්නේත් අධ්‍යාපනය සඳහා ඉඩප්‍රස්ථාව හැකි ඉක්මනින් විවෘත කරන්න ඕන කියලා. පාසලක් කොවිඩ් නිසා වහනවා නම් වහන්න ඕන අන්තිමට, විවෘත කරනවා නම් විවෘත කරන්න ඕන මුලින්ම කියන අදහස තමයි යුනිසෙෆ් සංවිධානයේ තියෙන්නේ, ඒ නිසා විශේෂයෙන්ම පෙරපාසල් දරුවන්ගේ අධ්‍යාපන කටයුතු යථා තත්වයට ගන්න අවශ්‍ය කරන තීරණ පළමුවැනි වතාවේම අරගෙන ඒ අවශ්‍ය කටයුතු සිදු කරන්න බලාපොරොත්තු වෙනවා.
    මම කියන්නේ මේ වෙලාවේ සූරාසැල් විවෘත කිරීම සුසුදු නෑ කියලා.ජාතික ඖෂධ අධිකාරියේ දත්ත මැකීයාම පිළිබඳව කිසිම පරීක්ෂණයක් නතර වෙලා නෑ, මේ සම්බන්ධයෙන් අපරාධ පරීක්ෂණ දෙපාර්තමේන්තුව අපේ අමාත්‍යංශ මට්ටමින් පරීක්ෂණ කෙරීගෙන යනවා, මේ පිළිබඳ නීතිමයට කටයුතු ඉදිරියට යනවා.අපරාධ පරීක්ෂණ දෙපාර්තමේන්තුව ඉදිරිපත් කරන තොරතුරු මත ගරු අධිකරණය ඉදිරියේදී සුදුසු ක්‍රියාමාර්ග ගනියි.

    ඔක්තොම්බර් 01 වැනිදායින් පස්සේ මේ සංචරණ සීමා තවදුරටත් මේ ආකාරයෙන්ම පවත්වාගන්න තියෙන්නේ ඉතාම අඩු සම්භාවිතාවක්, මොකද අපි සංචරණ සීමා පැණවීම තුළින් බලාපොරොත්තු වුණ අරමුණු ක්‍රමාණූකූලව අපි ලඟා කර ගනිමින් පවතිනවා.අපි සියලු දෙනා පරිස්සමින් කැප කිරීමෙන් වැඩ කලොත් අපිට සංචරණ සීමා ඉවත් කර ගන්න පුලුවන් වෙයි කියලා යැයි වැඩිදුරටත් පැවසීය.

    340x250

    නවතම පුවත්

    dgi log front

    electionR2sin

    recu

    Desathiya