පවතින කොවිඩ් තත්වයන් සැළකිල්ලට ගෙන යම් යම් නීති යටතේ ඉදිරි සතියේදී රට විවෘත කිරීමට හැකියාවක් ඇති බවත්, රට යම් ප්‍රමාණයකට විවෘත වුවද කොවිඩ් 19 පැතිරීම වැළැක්වීමට ගත හැකි සියලු ක්‍රියාමාර්ග ගන්නා බවත්,කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානි යුද හමුදාපති ජෙනරාල් ශවේන්ද්‍ර සිල්වා පවසයි.
රට විවෘත කිරීමේ තීරණය සම්බන්ධයෙන් මාධ්‍ය වෙත අදහස් දක්වමින් ඒ මහතා මේ බව පැවසීය.
වැඩිදුරටත් අදහස් දක්වන යුද හමුදාපතිවරයා පවසන්නේ, ඉදිරියේදී සෞඛ්‍ය බලධාරීන් විසින් රට විවෘත කර පවත්වා ගැනීමේ සෞඛ්‍ය නිර්දේශ එළඹෙන සිකුරාදා (සැප්තැම්බර් 17) ලබා දෙනු ඇති බවත්, රට යම් තරමකට විවෘත කිරීමේ හැකියාවක් පැවතිය ද පවත්වාගෙන යා යුතුව ඇත්තේ සෞඛ්‍ය නිර්දේශ අනුව බව කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
