හිටපු අමාත්‍යවරයකු වූ රිෂාඩ් බද්යුදීන් යන අය සහ ඔහුගේ සොහොයුරෙකු වූ රියාද් බද්යුදීන් යන අය අපරාධ පරීක්ෂණ දෙපාර්තමේන්තුව විසින් අද (24) අළුයම අත්අඩංගුවට ගත් බව පොලිස් මාධ්‍ය ප්‍රකාශක නියෝජ්‍ය පොලිස් පති නීතිඥ අජිත් රෝහණ මහතා පවසයි.
2019 අප්‍රේල් 21 දින පාස්කු ප්‍රහාරය සම්බන්ධයෙන් විමර්ශන තවදුරටත් සිදු කරනු ලැබූ බවත් එම ප්‍රහාරයේ ස්වයං ඝාතකයින්ට ආධාර අනුබල දීම, සහ ඔවුන් සමඟ සබඳතා පැවැත්වීම සම්බන්ධයෙන් ත්‍රස්තවාදය වැළැක්වීමේ පනතේ ප්‍රතිපාදන යටතේ හිටපු අමාත්‍යවරයා සහ ඔහුගේ සොහොයුරා අත් අඩංගුවට ගත් බව පොලිස් මාධ්‍ය ප්‍රකාශකවරයා පැවසීය.
මෙම සැකකරුවන් සම්බන්ධයෙන් ත්‍රස්තවාදය වැළැක්වීම පනත යටතේ විමර්ශන සිදු කෙරෙනවා. තවදුරටත් මේ සම්බන්ධයෙන් විමර්ශන පැවැත්වෙන බව ද පොලිස් මාධ්‍ය ප්‍රකාශකවරයා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
