පවතින කොවිඩ්-19 තත්ත්වය හමුවේ සෞඛ්‍ය අංශයේ උපදෙස් පරිදි සියලු විශ්වවිද්‍යාල ආරම්භ කිරීම තවත් සති දෙකක් දක්වා කල් දැමීමට තීරණය කළ බව අධ්‍යාපන අමාත්‍ය මහාචාර්ය ජී.එල්.පීරිස් මහතා පවසයි.
අමාත්‍යවරයා අද (22) පාර්ලිමේන්තුවේ දී මේ බව සඳහන් කළේ ය.
අප්‍රේල් 27 දින සියලු විශ්වවිද්‍යාල ආරම්භ කිරීමට සැළසුම් කොට තිබූ බවත් සෞඛ්‍ය සේවා අධ්‍යක්ෂ ජනරාල්වරයාගේ උපදෙස් මත පවතින කොවිඩ්19 තත්ත්වය සළකා මෙඩ්ම පියවර ගැනීමට කටයුතු කළ බව අමාත්‍යවරයා පැවසීය.
ඒ අනුව අප්‍රේල් 27 දිනෙන් පසු තවත් සති දෙකක් දක්වා කල් දැමීමට තීරණය කළ බවත් මේ පිළිබඳව සියලු විශ්වවිද්‍යාලවල උපකුලපතිවරු දැනුවත් කරන බවද සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
