නිරෝධායන රීතීන් අනුගමනය කිරීම සොයා බැලීම හා හදිසි ඇන්ටිජන් පරීක්ෂණ සිදු කිරීමට අද (24) දින බස්නාහිර පළාත් තුළ විශේෂ මෙහෙයුම් ක්‍රියාත්මක බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා පවසයි
මෙහිදී රාජ්‍ය මෙන් ම පෞද්ගලික ආයතන නිරෝධායන ක්‍රමවේද අනුගමනය කිරීම පරික්ෂා කෙරෙන අතර බස්නාහිර පළාතේ හඳිසි ඇන්ටිජන් පරික්ෂාවන් සිදු කෙරෙන බවද අජිත් රෝහණ මහතා සඳහන් කළේ ය.
තවද මාළු වෙළඳ සැල්, මාළු ලෑලි, එළවළු වෙලඳ සැල්, විවෘත අලෙවිසැල් ද පරික්ෂා කෙරෙන අතර බස්නාහිර පළාතෙන් පිටවන බස් රථ සඳහා ද ඇන්ටිජන් පරික්ෂා කිරීම සිදු කෙරේ.
ශ්‍රී ලංකා පොලීසිය හා සෞඛ්‍ය කාර්ය මණ්ඩල මෙම මෙහෙයුම් සඳහා දායක වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
