මේ අනුව පේරාදෙණිය රාජකීය උද්භිද උද්‍යානයේ සංවර්ධනය සඳහා වෙන්කර ඇති මුදල රුපියල් මිලියන 177.1කි. ගම්පහ හෙනරත්ගොඩ උද්භිද උද්‍යානය හා ගනේවත්ත වන ඖෂධ උද්‍යාන සංවර්ධනයට රුපියල් මිලියන 60.5ක මුදලක් වෙන් කර තිබේ. හග්ගල උද්භිද උද්‍යානය සංවර්ධනය සඳහා රුපියල් මිලියන 63.5ක්, මිරිජ්ජවිල වියළි කලාපීය උද්භිද උද්‍යානය සංවර්ධනය රුපියල් මිලියන 25.58ක්, සීතාවක තෙත් කලාපීය උද්භිද උද්‍යානය සංවර්ධනයට රුපියල් මිලියන 24.2ක් වෙන් කර ඇතැයි ද ඇමතිවරයා කියයි.

මල් වගාකරුවන්ට අවශ්‍ය යටිතල පහසුකම් සැලසීම සඳහා වෙන්කර ඇති මුදල රුපියල් මිලියන 47කි. මේ යටතේ මල් වගාකරුවන් 5000කට පමණ අවශ්‍ය යටිතල පහසුකම් ලබාදීමට නියමිතයි. මීට අමතරව මීගලෑව හරිත පියස පුහුණු මධ්‍යස්ථානය, ශාඛාගාරය හා ශාඛා වර්ගීකරණය හා පර්යේෂණ වැඩසටහන සඳහා ද ප්‍රතිපාදන වෙන්කර තිබේ.

මෙරට ඇති සියලුම උද්භිද උද්‍යාන දෙස් විදෙස් සංචාරක ආකර්ෂණීය ස්ථාන ලෙස සංවර්ධනය කිරීම රජයේ අපේක්ෂාව බව ඇමති ප්‍රසන්න රණතුංග මහතා පෙන්වා දෙයි. මෙවර උද්භිද උද්‍යාන සංචාරක අමාත්‍යංශය යටතට ඇතුළත් කර තිබේ. ඒ අනුව මෙම වැඩපිළිවෙල ක්‍රියාත්මක බවද ඔහු සඳහන් කරයි.