විභාගයට පැමිණෙන සිසුන්ට කිසිඳු ගැටලුවකින් තොරව විභාග මධ්‍යස්ථාන කරා යාමට විෂබිජාණුහරණය කරන ලද බස්රථ ලබා දීම සදහා වැඩපිළිවෙලක් ක්‍රියාත්මක බව ශ්‍රී ලංකා ගමනාගමන මණ්ඩලයේ
නියෝජ්‍ය සාමාන්‍යාධිකාරී (ධාවන) ඒ.එච්.පණ්ඩුක මහතා රජයේ නිල පුවත් වෙබ් අඩවිය කළ විමසුමක දී කියා සිටියේය.
නිරෝධායන ඇදිරිනීතිය පවතින ප්‍රදේශ වල සිටින එහෙත් කොළඹ දිස්ත්‍රික්කයේ පාසල් වල තම විභාග කටයුතු කරන දරුවන් වෙනුවෙන් මෙලෙස බස්රථ විශේෂ වැඩපිළිවෙලකට අනුව ධාවනය කෙරෙන අතර එකී බස් රථ දරුවන්ගේ විභාගය ආරම්භ කිරීමට පැයකට පෙර විභාග ශාලාව වෙත යා හැකි වන පරිදි ධාවනය කෙරෙන බවත්, මෙම බස්රථ සියල්ල විෂබීජහරණයකට ලක් කරන බවත්, දරුවන් සියල්ල මුඛ ආවරණ සහිතව බස්රථ වල ගමන් කළ යුතු වන අතර සෞඛ්‍යාරක්ෂිත පියවරයන් අනුගමනය කළ යුතු වන බවත් මෙහි දී කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
