මේ යටතේ රෝහලේ මානව සම්පත් සංවර්ධනය හා අනෙකුත් යටිතල පහසුකම් වැඩිදියුණු කිරීම මෙන්ම ප්‍රජාව වෙතම ගොස් සේවා සැපයීම වෙනුවෙන් මූලික සාකච්ජාව මේ වන විට ඇරඹී ඇතැයි සෞඛ්‍ය අමාත්‍යාංශයේ ප්‍රාථමික සෞඛ්‍ය සේවා සවිබල ගැන්වීමේ ව්‍යාපෘතියේ අධ්‍යක්ෂ ,වෛද්‍ය ජයසුන්දර බණ්ඩාර මහතා කියයි.
අති දුෂ්කර ප්‍රදේශයක් වන ලංකාගම ජනතාව වෙනුවෙන් ව්‍යාපෘතිය යටතේ සේවා ලබාදීම කඩිනමින් අරඹන ලෙස සෞඛ්‍ය ලේකම්වරයාටත් , තමාටත් පසුගියදා අතිගරු ජනාධිපති ගෝඨාභය රාජපක්ෂ මහතා පසුගියදා ජනාධිපති ලේකම් කාර්‍යාලයේදී පැවති වැඩසටහනක් අවසානයේ දී උපදෙස් ලබාදුන් බවද වෛද්‍ය ජයසුන්දර බණ්ඩාර මහතා අනාවරණ කරයි.
