කොවිඩ් වසංගත තත්වය හේතුවෙන් සිදු වූ ආර්ථික විනාශයත් සමග මුළු ලෝකයේම සමස්ත වියදම ඉහළ යමින් පවතින් බවත් රජයක් වශයෙන් මේ සඳහා කළ යුත්තේ කුමක්ද සහ මේ වන විට ගෙන ඇති ක්‍රියාමාර්ගයන්ගේ ප්‍රගතිය පිළිබඳව සාකච්ඡා කිරීම සඳහා ජීවන වියදම පිළිබඳව පත් කළ අමාත්‍ය‍මණ්ඩල අනුකමිටුව රැස් වන බවත් සම කැබිනට් ප්‍රකාශක අමාත්‍ය උදය ගම්මන්පිල මහතා පැවසීය.
මේ දින වල පොල් සහ සහල් මිල ඉහළ යාම සම්බන්ධයෙන්(29) රජයේ ප්‍රවෘත්ති දෙපාර්තමේන්තුවේ පැවති කැබිනට් මාධ්‍ය හමුවේදී මාධ්‍යවේදියෙකු නැගූ පැනයකට පිළිතුරු දෙමින් අමාත්‍යවරයා මේ බව සඳහන් කළේය.
මෙහිදී වැඩිදුරටත් අදහස් දැක්වූ ගම්මන්පිල අමාත්‍යවරයා පැවසුවේ, පොල් මිල ඇතුළු ජීවන වියදම් පිළිබඳව කැබිනට් මණ්ඩලයේදී දීර්ග ලෙස සාකච්ඡා කළ බවත් ජීවන වියදම පිළිබඳව පත් කළ අමාත්‍ය‍මණ්ඩල අනුකමිටුව ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් මේ සතිය තුළ දී රැස් වන බවත් එහි දී මේ සම්බන්ධව ඉදිරි පියවර ගන්නා බවය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
