මේ දිනවල පවතින වැසි තත්ත්වයත් සමග ඩෙංගු රෝගයෙහි සුළු වැඩි වීමක් බස්නාහිර, දකුණ සහ මධ්‍යම පළාත්වල දැකිය හැකි බවත් ඉදිරියට ඩෙංගු යළි හිස එසවිය හැකි බැවින් ජනතාවට අවධානයෙන් පසුවන ලෙසත් අධ්‍යක්ෂවරයා වැඩිදුරටත් පැවසුවේය.
ඩෙංගු මර්දන ඒකකය විසින් පසුගිය සති කිහිපයෙහි ඩෙංගු අධි අවදානම් කලාප වල නිවාස ආශ්‍රිතව ඩෙංගු බෝ විය හැකි ස්ථාන පරීක්ෂාවට ලක් කළ අතර මෙම සතිය තුළ අධි අවදානම් කලාප ආශ්‍රිතව ඇති ඉදිකිරීම් ස්ථාන වල ඩෙංගු බෝ විය හැකි ස්ථාන පරීක්ෂා කිරීමේ වැඩසටහන් ක්‍රියාත්මක කර ඇත.
තමා අවට වටපිටාව පවිත්‍ර කර ගනිමින් ඩෙංගු බෝ විය හැකි ස්ථාන විනාශ කිරීමට සැවොම කටයුතු කිරීම තුළින් ඩෙංගු වලින් තොර ශ්‍රී ලංකාවක් ගොඩනැගීමට හැකිවනු ඇත.
