ජනවාර්ගික සහයෝගිතාව වර්ධනය වන ලෙස දීර්ඝ කාලයක් තිස්සේ කටයුතු කළ හිටපු අමාත්‍ය ආරුමුගන් තොණඩමන් මැතිතුමාගේ සිහිනයක්ව පැවති හැටන් කොටගල විශ්ව විද්‍යාලය ඉදිකර ඔහුගේ අභාවයෙන් වසරක් පිරෙන දින එය විවෘත කරන බව සම කැබිනට් ප්‍රකාශක අමාත්‍ය බන්දුල ගුණවර්ධන මහතා පැවසීය.
අමාත්‍යවරයා මේ බව පැවසුවේ අද(28) ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේදීය.
ඉතිහාසයේ ගමන් මග වෙනස් කරමින් නුවරඑළිය දිසිත්‍රික්කයේ දරුවන් සඳහා උසස් අධ්‍යාපනය සඳහා විශ්ව විද්‍යාලයක් ආරම්භ කිරීම එතුමාගේ සිහිනය වුණා. මේ පිළිබඳ අමාත්‍යංශ මට්ටමින් සාකච්ඡා වට කිහිපයක් සිදු කළ බවත් එළඹෙන සතියේ එම කැබිනට් පත්‍රිකාව අමාත්‍ය මණ්ඩල අනුමැතියට ඉදිරිපත් කරන බවත් බන්දුල ගුණවර්ධන මහතා පැවසීය
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
