සී ෂෙල්ස් රාජ්ය සහ ශ්රී ලංකාව අතර අපනයනය ප්රවර්ධන වැඩසටහන ඔස්සේ දීර්ඝ කාලයක සිට එම රටේ රෝගීන් ප්රතිකාර ලබා ගැනීම පිණිස ලංකාවේ පෞද්ගලික රෝහල් වෙත පැමිණෙන අතර පැමිණි යැයි සදහන් කරන එම පිරිස, මැයි 23 දා මෙරටට පැමිණියේ මෙරටින් ගෙන්වා ගැනීමකින් නොව ඔවුන්ගේම රටේ විශේෂ එයාර් සී ෂෙල්ස් ගුවන් යානයකින් බවත්, එසේ පැමිණියේ ශ්රී ලාංකිකයින් නොව ප්රතිකාර ලබා ගැනීමට පැමිණි එරට රෝගීන් සහ ඔවුන්ට සහාය වීමට පැමිණි ඥාතින් පමණක් පැමිණි බවත්, කෙසේ වුව ද එලෙස පැමිණි කණ්ඩායම ද දින 14 ක නිරෝධායනයට ලක් කළ බවත් ඒ මහතා මෙහි දී සදහන් කරන ලදී.
එමෙන්ම, මෙරටට විදේශයන් හි සිට ශ්රී ලාංකිකයින් රැගෙන ඒමේ දී ශ්රී ලංකා ආණ්ඩුව ඉතා විශාල වගකීමකින් යුතුව කටයුතු කරන අතර විශාල ප්රමාණයක් මෙරටට ගෙන ඒමේ දී ඔවුන්ට අවශ්ය මූලික පහසුකම් ලබා දීම ද ඇතුළු සම්පූර්ණ නිරෝධායන ක්රියාවලිය නිසි පරිදි කිරීම සාමාන්ය පිරිසකට නොහැකි නමුත් යුධ හමුදාව වැනි ශික්ෂණයක් පවතින හොඳ කළමනාකරණයකින් යුතු ව එය ඉතා සාර්ථක ව කරගෙන යාමට ඔවුන්ට හැකි බවත් බන්දුල ගුණවර්ධන මහතා මාධ්යවේදියකු විසින් කළ ප්රශ්න කිරීමක දී සදහන් කර සිටියේය.