කොරෝනා කාලසීමාව තුළ දී විදුලිය භාවිතා කළ විදුලි පාරිභෝගිකයින් වෙත ලැබි ඇති විදුලි බිල්පත් ගෙවීමේ දී ඔවුන්ට කිසිදු ආකාරයේ අසාධාරණයක් සිදු නොකිරීමට මේ වන විටත් ක්‍රියාමාර්ග ගෙන ඇතැයි විදුලිබල ඇමති මහින්ද අමරවීර මහතා රජයේ නිල වෙබ් අඩවියට පැවසීය.
එසේම අවසන් වරට නිකුත් කළ පෙබරවාරි මස බිලට සාපේක්ෂ ව ගෙවීමක් සිදු කළ හැකි බව ද අමාත්‍යවරයා පවසයි.
එසේම ගෙවීම් ප්‍රමාද වීම සම්බන්ධයෙන් දඬයක් හෝ විදුලි කප්පාදුවක් සිදු නොකරන බවද අමාත්‍යවරයා කියයි.මේ වන විටත් විදුලි බිල ගෙවීම සම්බන්ධයෙන් සහන කාලයක් ලබා දී ඇති බවත් පැවසු ඇමතිවරයා ඉදිරියේ දී මාස්පතා විදුලි බිල ලබා දීමට කටයුතු කරන බව ද කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
