උමාඔය බහුකාර්ය සංවර්ධන ව්‍යාපෘතියේ වත්මන් තත්ත්වය පිළිබඳව විමසා බැලීම සඳහා විශේෂ රැස්වීමක් මහවැලි, කෘෂිකර්ම, වාරිමාර්ග හා ග්‍රාමීය සංවර්ධන අමාත්‍ය චමල් රාජපක්ෂ මහතාගේ ප්‍රධානත්වයෙන් බණ්ඩාරවෙල ප්‍රාදේශීය ලේකම් කාර්යාලයේ දී (15)දින පැවැත්විණි.
උමාඔය බහුකාර්ය සංවර්ධන ව්‍යාපෘතිය ඉදිකිරීමේදී පීඩාවට පත්වූවන් සහන සැලසීම පිළිබඳව හා එහි ගැටළු සම්බන්ධව මෙහිදී විශේෂ අවධානය යොමු වූ අතර පීඩාවට පත්වූ ජනතාවට කඩිනමින් සහන සැලසීමටත් ඉඩම් වන්දි ලබාදීම කඩිනම් කිරීමටත් තීරණය කරන ලදි.
බදුල්ල දිස්ත්‍රික් සංවර්ධන කමිටු සභාපති පාර්ලිමේන්තු මන්ත්‍රී තේනුක විදානගමගේ මහාතා ඇතුළු ප්‍රදේශයේ දේශපාලන අධිකාරිය, බදුල්ල දිස්ත්‍රික් ලේකම් දමයන්ති පරණගම මහත්මිය ඇතුළු රජයේ නිලධාරීන් සහ උමා ඔය ව්‍යාපෘතියට අදාළ පාර්ශවයන් මෙම අවස්ථාවට එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
