නව රජයේ මුදල් අමාත්‍ය ධූරයේ රජකාරි ආරම්භ කිරීම අග්‍රාමාත්‍ය මහින්ද රාජපක්ෂ මහතා විසින් අද (25) මුදල් අමාත්‍යාංශයේ දී සිදු කළේ ය.
මහා සංඝරත්නයේ ආශිර්වාදය මැද මුදල් අමාත්‍ය ධූරයේ රාජකාරි ආරම්භ කළ මහින්ද රාජපක්ෂ මහතා වෙත මුදල් අමාත්‍යාංශයේ නිලධාරීන්ගෙන් හිමිවූයේ උණුසුම් පිළිගැනීමකි.
මේ අවස්ථාවට අමාත්‍යවරුන් වන බන්දුල ගුණවර්ධන, ජෝන්ස්ටන් ප්‍රනාන්දු යන මහත්වරු ඇතුළු ජනතා නියෝජිතයින් මෙන් ම ජනාධිපති ලේකම් පී.බී.ජයසුන්දර, අග්‍රාමාත්‍ය ලේකම් ගාමිණී සේනරත්, මුදල් අමාත්‍යාංශයේ ලේකම් එස්.ආර්. ආටිගල යන මහත්වරු ඇතුළු නිලධාරීහු රැසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
