මැතිවරණ කොමිෂන් සභාව මෙවර ජනාධිපතිවරණය වෙනුවෙන් ඇප මුදල් තැන්පත් කර තිබෙන දේශපාලන පක්ෂ හා ස්වාධීන අපේක්ෂකයන් ඇතුළු මැතිවරණ අපේක්ෂකයන් දැනුවත් කිරීමේ විශේෂ හමුවක් මැතිවරණ කොමිෂන් සභාවේ සභාපති මහින්ද දේශප්‍රිය මහතාගේ ප්‍රධානත්වයෙන් අද (06) දින රාජගිරිය මැතිවරණ කොමිෂන් සභා ශ්‍රවණාගාරයේ දී පැවත් වුණි.
මෙම අවස්ථාවට මැතිවරණ කොමිෂන් සභාවේ සාමාජික ජනාධිපති නීතිඥ නලින් අබේසේකර, මහාචාර්ය රත්නජීවන් එච්.හූල්, මැතිවරණ කොමිෂන් සභාවේ අතිරේක කොමසාරිස් (නීති හා මැතිවරණ ආරවුල්) චින්තක කුලරත්න, අතිරේක මැතිවරණ කොමසාරිස් රසික පීරිස් යන මහත්වරුන් ඇතුළු පිරිසක් සහභාගී වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
