පාසල් නිවාඩු සමයේ සංචාරයේ යෙදෙන මගීන් සදහා කොළඹ කොටුවේ සිට බදුල්ල දක්වා විශේෂ දුම්රියක් අද (අගෝස්තු 08දා) සිට ධාවනයේ යොදවන බව දුම්රිය දෙපාර්තමේන්තුවේ නියෝජ්‍ය වාණිජ අධිකාරී රංජිත් පත්මලාල් මහතා පවසයි.
මෙම විශේෂ දුම්රිය අගෝස්තු 08, 09, 10, 11, 12, 13 සහ 14 යන දින වල කොළඹ කොටුව දුම්රිය ස්ථානයෙන් රාත්‍රී 07.20ට පිටත්වී අළුයම 4.43ට බදුල්ල දුම්රිය ස්ථානයට ළගාවනු ඇත.
එසේම අගෝස්තු 9, 10, 11, 12, 13 සහ 14 දින වල රාත්‍රී 08.00 ට බදුල්ල දුම්රිය ස්ථානයෙන් පිටත් වන එම දුම්රිය අළුයම 5.28 ට කොළඹ කොටුව දුම්රිය ස්ථානයට ළගාවීමට නියමිත බවද නියෝජ්‍ය වාණිජ අධිකාරිවරයා පවසයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
