සිරකරුවන් නිදහස් කිරීමේ රාජ්‍ය උත්සවය වෙසක් පොහොය යෙදී ඇති අද(18) ජනාධිපති මෛතී‍්‍රපාල සිරිසේන මැතිතුමාගේ ප‍්‍රධානත්වයෙන් වැලිකඩ බන්ධනාගාර කි‍්‍රඩාංගණයේ දී සිදු විය.
සුළු වැරදි සඳහා බන්ධනාගාරගතව සිටින සිරකරුවන් 762කට මෙලෙස නිදහස හිමි වන අතර සිරකරුවන් 736ක් සහ සිරකාරියන් 26ක් ඒ අතර වේ.
ආණ්ඩුක‍්‍රම ව්‍යවස්ථාවේ 34 වන වගන්තිය යටතේ මෙලෙස සිරකරුවන් සඳහා ජනපති පොදු සමාව ලබාදීමට නියමිත අතර බන්ධනාගාර ඉතිහාසයේ වැඩිම සිරකරුවන් සංඛ්‍යාවක් එකවර නිදහස් කෙරෙන පළමු අවස්ථාව මෙය වීම ද විශේෂත්වයකි.
