විදුලි බල ජලාශවල ජලධාරිතාව මේ වන විට 32% දක්වා ඉහළ නැග ඇති බැවින් බාධාවකින් තොරව අඛණ්ඩව විදුලිය සැපයුමට ලංකා විදුලිබල මණ්ඩලයට දැන් හැකියාව ලැබී ඇතැයි විදුලිබල හා බලශක්ති අමාත්‍යාංශයේ අධ්‍යක්ෂ හා මාධ්‍ය ප්‍රකාශ සුලක්ෂණ ජයවර්ධන මහතා පවසයි.
අප්‍රේල් මාසයේ විදුලිය සදහා පැවති අධික ඉල්ලුම අඩුවී තිබේ.අප්‍රේල් මස 10 දා වන විට ගිගාවොට් පැය 47 ක ඉල්ලුමක් තිබූ නමුත් දැන් එය ගිගාවොට් පැය 43 දක්වා අඩුවී ඇතැයි ජයවර්ධන මහතා රජයේ නිළ පුවත් වෙබ් අඩවියට කීය.
මේ අතර තුර්කියට අයත් පාවෙන විදුලිබලාගාර නැවකින් මෙගාවොට් 200 ක විදුලිය මිලට ගැනීම සදහා කැබිනට් මණ්ඩලයේ අනුමැතිය ලැබී ඇති අතර ඒ පිළිබදව තාක්ෂණ කමිටුවක් මගින් අවශ්‍ය කටයුතු කර ගෙන යන බවද ඒ මහතා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
