ඊයේ (21) උදෑසන දේවස්ථාන තුනක සහ හෝටල් කිහිපයක් සිදු වූ බෝම්බ පිපිරීම් වලින් අනතුරට පත් ජනතාව ඉතා ඉක්මනින් ජාතික රෝහල සහ අනෙකුත් රෝහල් වලට ඇතුළත් කල අතර ඒ අවස්ථාවේ සියළුම රෝහල් කාර්ය මණ්ඩලය ඉතා කාර්යක්ෂමව ප්‍රතිකාර කටයුතු සිදු කළ බව සෞඛ්‍ය හා දේශීය වෛද්‍ය අමාත්‍ය වෛද්‍ය රාජිත සෙනාරත්න මහතා පවසයි.
අමාත්‍යවරයා මේ බව සඳහන් කළේ, සියළුම කැබිනට් අමාත්‍යවරුන්ගේ සහභාගිත්වයෙන් අග්‍රාමාත්‍ය කාර්යාලයේ අද (22) පැවති මාධ්‍ය හමුවට එක්වෙමිනි.
රුධිරය අවශ්‍ය ජනතාවට කිසිදු ප්‍රමාදයකින් තොරව රුධිරය ලබා දුන් බවත් ඒ සඳහා විශාල පිරිසක් ස්වේච්ඡාවෙන් ඉදිරිපත් වූ බවත් සඳහන් කළ අමාත්‍යවරයා, ගිලන් රථ ඇතුළු සියලුම සේවාවන් කිසිදු ප්‍රමාදයකින් තොරව ලබා දීමට හැකි වූ බවද සඳහන් කරන කළේ ය.
ඉදිරියේදී ද එම ජනතාවට අවශ්‍ය සියළුම බෙහෙත් වර්ග කිසිදු හිඟයකින් තොරව ලබා දිය හැකි බවද අමාත්‍යවරයා වැඩිදුරටත් සඳහන් කරන ලදී.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
