මේ නිමිත්තෙන් කොළඹ කාළගුණ විද්යා දෙපාර්තමේන්තු පරිශ්රයේ පැවැති උත්සවයේදී අදහස් දැක්වූ ඇමති රංජිත් මද්දුම බණ්ඩාර මහතා හදිසි ආපදාවකදී පෙර සූදානමින් සිටීම සඳහා දිස්ත්රික්ක 25ම නියෝජනය වන පරිදි මෙම උපකරණ බෙදා දෙන බවත් ඒ සඳහා 2019 අයවැයෙන් විශාල මුදලක් වෙන් කර ඇති බවත් කීය.
පසුගිය මාස තුනක කාලය තුළ රටේ විවිධ ප්රදේශවලින් කැලෑ ගිනි ගැනීම් 50ක් වාර්තා වී තිබෙනවා. මේවා වැළැක්වීමට ප්රදේශවාසීන් දායක විය යුතුයි. සමහරු කල්පනා කරන්නේ මේ කටයුත්ත පොලීසියට, හමුදාවට සහ ආපදා කළමණාකරණ මධ්යස්ථානයට අයිති වැඩ කියලයි. මහජනතාව මෙවැනි අවස්ථාවල සංවේදීව කටයුතු කළ යුතුයි.
නිවැරදි කාළගුණ අනාවැකි ප්රකාශ කිරීමට හැකිවන පරිදි ජපානයේ ජයිකා (JICA) ආයතනයේ ආධාර ඇතිව කාළගුණ දෙපාර්තමේන්තුවට නවීන උපකරණ ලබා දීමට පියවර ගන්නා බවද ඇමතිවරයා කීය.