පූජ්‍ය මාදුළුවාවේ සෝභිත නාහිමියන් වහන්සේට උපහාර පිණිස ඉදි‍කෙරුණු “ සඟවිරු සෝහිත නාහිමි ගම” ගම්මානය දිස්ත්‍රික්කයේ පාදුක්ක, මාදුළුවාව දකුණ සඟවිරු සෝභිත නාගම පෙබරවාරි 11 වන දින පෙ. ව. 8.00 ජනතා අයිතියට පත් කෙරේ.
භූමිය හා නිවාස හිමිකම ලබාදෙන නව ආදර්ශ ගම්මාන වැඩපිළිවෙල යටතේ 162 වැනි උදා ගම්මානය මෙය වෙයි.
කථානායක කරු ජයසූරිය මහතාගේ සහභාගීත්වයෙන්, නිවාස, ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා විසින් ජනතා අයිතියට පත් කිරීම සිදු කරයි.
හිසට සෙවණක් නැති අඩු ආදායම් ලාභී ජනතාවට නිවාස සිහිනය යතාර්ථයක්කරමින් සැමට සෙවණක් ලබාදීම රජයේ අරමුණ වී ඇත. මෙහිදී නව නිවාස 18ක්, ජලය හා විදුලිය පහසුකම්, අභ්‍යන්තර මාර්ග පමසුකම් හා ප්‍රවේශ මාර්ගවලින් මෙම ආදර්ශ ගම්මානය සමන්විත වෙයි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
