එහිදී තමන්ට දීර්ඝකාලයක් පුරා පරම්පරාවෙන් පරම්පරාවට පැවති මෙම ගැටලුවට කඩිනමින් විසදුම් ලබාදීමට කටයුතු කිරීම සම්බන්ධයෙන් පැමිණිසිටි ජනතාව මෙම වැඩසටහනට සිය කැමැත්ත පළකරමින් අත්උස්සා අමාත්‍ය වරයාගේ වැඩපිළිවලට උණුසුම් ප්‍රතිචාරයක් දැක් වූහ.
එසේම මෙම දැනුවත් කිරීමේ වැඩසටහනට සමගාමිව ඉඩම් ප්රතිසංස්කරණ කොමිසන් සභාවේ ඉඩම් වල දීර්ඝකාලයක් පුරා ජිවත්වූ පවුල් කිහිපයකට අදාල හිමිකම් ඔප්පු පිරි නැමීමද අමාත්‍යවරයා අතින් එදින සිදුවිය.
අධිකරණ සහ විදේශ රැකියා අමාත්‍ය තලතා අතුකෝරාළ මහත්මිය,රත්නපුර දිස්ත‍්‍රික්කය නියෝජනය කරමින් දේශපාලන අධිකාරිය,ඉඩම් ප්රතිසංස්කරණ කොමිසමේ සභාපති සම්පත්සුභසිංහ ආරච්චි මහතා ඇතුළු එම කොමිසමේ නිළධාරින් ඇතුළු විශාල පිරිසක් මෙම අවස්ථාවට එක්වූහ.
මේ අතර රත්නපුර දිස්ත්‍රික්කයේ පැවති දැනුවත් කිරීමේ වැඩසටහන් මාලාවේ ප්‍රථම අදියරය රත්නපුර, කිරිඇල්ල යන ප්‍රාදේශිය ලේකම් කොට්ඨාශවල අමාත්‍ය ගයන්ත කරුණාතිලක මහතාගේ ප්‍රධන්ත්වයෙන් පසුගිය මාසයේ පැවැත්විණ
මේ අනුව ගාල්ල දිස්ත්‍රික්කයෙන් ආරම්භවූ මෙම වැඩසටහන ඉදිරියේදී දීපව්‍යාප්තව සෑම දිස්ත්‍රික්කයක්ම ආවරණය වන පරිදි පවත්වා ජනතාවගේ මෙම නොවිසිදුණු ඉඩම් ගැටලුවට ඉකමනිනි විසදුම් ලබාදීමද නියමිතය.
