රස පරික්ෂක දෙපාර්තමේන්තුවේ ඩිජිටල් විද්‍ය පරික්ෂණ කටයුතු සහ ඩී. එන්. ඒ .පරික්ෂණ කටයුතු වැඩි දියුණු කිරිම සඳහා ඇමෙරිකානු ඩොලර් මිලියන 3.2ක ආධාරයක් කොරියානු රජය විසින් ලබා දිම නිමිත්තෙන් වූ ගිවිසුමකට ශ්‍රී ලංකා රජය සහ කොරියානු රජය අතර අත්සන් තැබීම අධිකරණ අමාත්‍ය ආචාර්ය විජයදාස රාජපක්ෂ මහතාගේ ප්‍රධානත්වයෙන් සිදු විය.
රජයේ රස පරික්ෂක සකුන්තලා තෙන්නකෝන් මහත්මිය සහ කොරියානු ජන රජය වෙනුවෙන් එරට අධිකරණ විද්‍යා අධිකාරියේ අධ්‍යක්ෂ ආචාර්ය සියෝ ජියෝ මහතා අතර ගිවිසුම අත්සන් කළහ.
මෙම ගිවිසුම යටතේ ආයතන දෙක අතර තාක්ෂණික දියුණුව, අධිකරණ විද්‍යාත්මක පරික්ෂණ ක්‍රියා හුවමාරු කර ගැනිම, අදාළ ක්ෂේත්‍රයේ නව පර්යේෂණ ක්‍රම දියුණු කිරිම ද සිදු වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
