මෙම අවස්ථාවට සහභාගි වු ජනමාධ්‍ය හා පාර්ලිමේන්තු කටයුතු අමාත්‍ය ගයන්ත කරුණාතිලක මහතා අදහස් දක්වමින් මෙම ස්ථානයේ දුම්රිය මගින් අනතුරු විශාල ප්‍රමාණයක් සිදුවී තිබෙනවා. ගම්වාසීන්ගේ ඉල්ලීම මත අද දින මෙම දුම්රිය හරස් මාර්ගය සඳහා විදුලි සංඥා පද්ධතියක් සවි කර ගැනීමට හැකිවු බවත් කුමන දේශපාලන තත්ත්වයක් මත වුවද මෙම අවශ්‍යතාවය සියලු දෙනාටම ප්‍රයෝජනවත් වී ඇති බවත් පැවසීය.
මීට ප්‍රථම සුනාමිය සිදුවු අවස්ථාවේදී දුම්රිය දෙපාර්තමේන්තුවට ඉතා ඉක්මනින් කොළඹ මාතර දුම්රිය මාර්ගය සකස් කිරීමට හැකිවු බවත් අමාත්‍යවරයා මෙහිදි සිහිපත් කළේය.අපි මේ ගෙන යනු ලබන ජාතික රජය තුළ සිදු කරන සංවර්ධන ක්‍රියාදාමයන් කිසිදු දේශපාලන භේදයකින් තොරව ජනතාවට ප්‍රතිලාභ අත්වන ආකාරයෙන් සිදු කරනු ලබන බවත් අමාත්‍යවරයා තවදුරටත් පැවසීය.
AP
