දෙසැම්බර් මස 01 දිනට යෙදී තිබූ ලෝක ඒඩිස් දිනය නිමිති කර ගනිමින් සෞඛ්‍ය පෝෂණ හා දේශීය වෛද්‍ය අමාත්‍යාංශය හා බන්ධනාගාර දෙපාර්තෙමින්තුව එක්ව HIV/AIDS රෝගය සම්බන්ධව ජනතාව දැනුවත් කිරීමේ පාගමනක් සෞඛ්‍ය පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාගේ ප‍්‍රධානත්වයෙන් කොළඹ මැගසින් බන්ධනාගාරය ඉදිරිපිටින් පසුගියදා පැවැත් විණි.
එම පාගමන බොරැල්ල, පුංචි බොරැල්ල නැවත බන්ධනාගාර මූලස්ථානය දක්වා ගමන් ගමන් කළේය.
මෙම අවස්ථාවට බන්ධනාගාර කොමසාරිස් ජනරාල් එච්.එම්.එන්. සී. ධනසිංහ මහතා, ජාතික ලිංගාශී‍්‍රත රෝග නිවාරණ ඒකකයේ අධ්‍යක්ෂ වෛද්‍ය සිසිර ලියනගේ යන මහත්වරුන් ඇතුළු බන්ධනාගාර රැඳවියන් විශාල පිරිසක් එක්ව සිටියහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
