බැංකු පද්ධතිය වෙත යොමු වන විදේශ ප්‍රේෂණ, තැපැල් ජාලය හරහා මහජනතාවට ලබා ගැනීමේ පහසුකම් සලසාදීම ඉදිරියේදී තැපැල් දෙපාර්තමේන්තුව මඟින් සිදු කිරීමට බලාපොරොත්තු වන බව තැපැල්පති ඩී.එල්. පී.ආර්. අභයරත්න මහතා සඳහන් කරයි.
එහි පළමු පියවර වශයෙන් ජාතික ඉතිරි කිරීමේ බැංකුව වෙත යොමු වන විදේශ ප්‍රේෂණ දිවයින පුරා පිහිටි තැපැල් කාර්යාලවලින් ලබා ගැනීමේ පහසුකම් අනිද්දා (08) සිට මහජනතාවට විවෘත කෙරේ.
මෙහි ආරම්භක උත්සවය අනිද්දා කුරුඳුවත්ත තැපැල් කාර්යාලයේදී තැපැල් සේවා හා මුස්ලිම් ආගමික කටයුතු අමාත්‍ය එම්.එම්.ඒ.හලීම් මහතාගේ ප්‍රධානත්වයෙන් පැවැත්වීමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
