ඊයේ දිනට යෙදී තිබුණු ලෝක ආබාධිත දිනය වෙනුවෙන් කෑගල්ල, බල්ලපාන, ඕලන්දවත්ත පිහිටි විශේෂ අවශ්‍යතා සහිත පුද්ගලයින්ගේ නිවාසයේ පැවති උත්සව අවස්ථාවකට සහභාගී වෙමින් ඒ මහතා මේ බව සඳහන් කළේය. මෙහිදි විශේෂ ආබාධිත සහිත පුද්ගලයින්ගේ කුසලතා එළිදැක්මක් ද පැවතිණි.
විශේෂ අවශ්‍යතා ඇති අය ලෙස ආබාධිත කියන වචනය වෙනස් කර තිබෙන බවත් ඔවුන්ට සමාජයේ ගෞරවයක්, අයිතිවාසිකමක් හිමිවිය යුතුයැයි සිතන නිසා ඒ නමින් හැඳින්වීමට යොමු වූ බවත් අමාත්‍යවරයා මෙහිදී පෙන්වා දුන්නේය.
ත‍්‍රිවිධ හමුදාවේ සහෝදරයන් 15,000ක් පමණ යුද්ධය නිසා මේ තත්ත්වයට පත් වී සිටින බව ඒ මහතා පෙන්වා දුන්නේය.
ඔවුන් පිළිබඳ සොයා බැලීමේ විශේෂ සමාජ වගකීම අප සියලු දෙනා වෙත පැවරී තිබෙන බවත් අලුතින් ගොඩනැගිල්ලක් හදද්දි පවා අපි ඔවුන්ට ගමන් කරන්න ක‍්‍රමවේදයක් සැකසිය යුතු බවට නීතියක් ද පනවා තිබෙන බවත් අමාත්‍යවරයා පෙන්වා දුන්නේය. රජයේ රැකියා සැපයීමේදී ද විශේෂ අවශ්‍යතා ඇති පුද්ගලයින්ට ප‍්‍රමුඛතාවයක් දී 3% ක් ඔවුන් වෙනුවෙන් රජයේ රැකියා ලබාදීමට බැඳී සිටින බව ද අමාත්‍යවරයා වැඩිදුරටත් පැවසීය.
