සුහද සංචාරයක් සඳහා ශ්‍රී ලංකාවට පැමිණි පකිස්තානු නාවික හමුදාවේ “ශම්ෂීර්” නෞකාවේ මෙහෙයුම් භාර අණදෙන නිලධාරී කොමදෝරු බිලාල් අබ්දුල් නසීර් මහතා සහ අණදෙන නිලධාරී සිද් රිස්වාන් කලීඩ් මහතා ඊයේ (01) නාවික හමුදා මූලස්ථානයේදී නාවික හමුදාධිපති වයිස් අද්මිරාල් රවීන්ද්‍ර විජේගුණරත්න මහතා හමුවිය.
එහිදී දෙරටේ නාවික හමුදාවන් අතර අන්‍යෝන්‍ය මිත්‍රත්වය ඉහළ නැංවීම හා පුහුණු කටයුතු පිළිබඳ අවධානය යොමු කරමින් ඔවුන් නාවික හමුදාධිපතිතුමන් හා සුහද කථාබහක නිරත වූ අතර, එම අවස්ථාව සනිටුහන් කරමින් සමරු තිළිණ හුවමාරුවක් ද සිදු කෙරිණි.
මෙම අවස්ථාවට ශ්‍රී ලංකාවේ පකිස්තානු මහකොමසාරිස් කාර්යාලයේ ආරක්ෂක උපදේශක, කර්නල් මුහම්මද් රාජිල් ඉර්ෂාද් ඛාන් මහතා ද එක් විය.
සිව් දින නිල සංචාරයක් සඳහා කොළඹ වරායට පැමිණි “ශම්ෂීර්” නෞකාව දෙසැම්බර් මස 03 වන දින ශ්‍රී ලංකාවෙන් පිටත්ව යාමට නියමිතය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
