නීති විරෝධී ලෙස මෙරට මුහුදු සීමාව උල්ලංඝණය කළ ඉන්දීය ධීවරයින් 14දෙනෙකු ශ්‍රී ලංකා නාවික හමුදාව විසින් පසුගිය දා (18) රාත්‍රියේ අත්අඩංගුවට ගෙන ඇත.
එම ධීවරයින් ඩෙල්ෆ්ට් මුහුදු සීමාවේදී අත්අඩංගුවට ගෙන ඇති අතර, ඔවුන් සමඟ ට්‍රෝලර් යාත්‍ර 03ක්ද අත්අඩංගුවට ගෙන තිබේ. එලෙස අත්අඩංගුවට ගෙන ඇත්තේ ඉන්දීය, තමිල්නාඩු ප්‍රදේශයේ ධීවරයින් පිරිසකි.
ධීවර හා ජලජ සම්පත් සංවර්ධන අමාත්‍යංශය සඳහන් කළේ, එම ධීවරයින් හා ට්‍රෝලර් යාත්‍රා අද (20) දින කයිට්ස් උසාවියට හමුවට ඉදිරිපත් කිරීමට නියමිත බවය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
