එහිදී නාවික හමුදාධිපති තුමන් විසින් ඒ මහතා ඉතා උණුසුම් අයුරින් පිළිගත් අතර, ඒ මහතා 1945 වර්ෂයේදී එනම් වයස අවුරුදු 19ක තරුණයෙකුව සිටියදී ශ්‍රී ලංකාවේ සිදු කල සංචාරයන් පිළිබද සිය මතක සටහන් නාවික හමුදාධිපතිතුමා සමග ප්‍රකාශ කර සිටින ලදී.
රාජකීය නාවික හමුදා උප සේවයේ සාමාජිකයෙකු වන ලුතිනන් කොමාණ්ඩර් ස්කොට් මහතාට තම 90වන ජන්ම දිනය ශ්‍රී ලංකාවේදී සැමරීමට ලැබීම විශේෂ අවස්ථාවක් විය.
එහිදී නාවික හමුදාධිපතිතුමා විසින් ලුතිනන් කොමාණ්ඩර් ස්කොට් මහතාට දීර්ඝායුෂ සහ නීරෝගී දිවියට සුභපැතුම් එක්කර සිටින ලද අතර, නාවික හමුදාවේ රාජකාරී කළ කාල සීමාව තුලදී එතුමාගේ මතකයේ රැඳුනු නාවික ආයතනයන්හි සංචාරය කිරීමට කටයුතු සංවිධානය කිරීමට හැකි බවද නාවික හමුදාධිපතිතුමා විසින් ප්‍රකාශ කරන ලදී.
