මේ වන විට දැඩි ලෙස රෝගාතුරව සිටින ප‍්‍රවීණ රංගදරයකු වන සුනිල් හෙට්ටිආරච්චි මහතාගේ සුවදුක් බැලීම සඳහා පාර්ලිමේන්තු ප‍්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක මහතා සඳුදා (16) ඒ මහතා සිටින මාලිගාවත්ත නිවසට ගියේය. රෝගාතුරව සිටින සුනිල් හෙට්ටිආරච්චි මහතාගේ සුවදුක් විමසා ඔහුගේ වෛද්‍ය ප්‍රතිකාර වෙනුවෙන් ආධාරයක් පිරිනැමීම ද ඇමතිවරයා අතින් සිදුවිණි.
තම ජීවිත කාලයෙන් බොහෝ කාලයක් වසර 30කට අධික තරම් වූ කාල පරාසයක් ශී‍්‍ර ලංකාවේ නාට්‍ය රසිකයන් වෙනුවෙන් තම ජීවිතය කැප කල, හා රසිකයන් හිනැස්සූ හෙට්ටිආරච්චි මහතාට ඇමතිවරයා ඉක්මන් සුවය ප්‍රාර්ථනා කළේය.
අමාත්‍යවරයා පවුලේ උදවිය සමඟ සුහඳ පිළිසරක ද යෙදුනු අතර තම පියාගේ සුවදුක් බැලීමට තම නිවසටම පැමිණීම පිළිබඳව ගයන්ත කරුණාතිලක මහතාට තම කෘතඥතාවය පළකරන බව එතුමාගේ දරු දැරියන් ඇතළු පවුලේ උදවිය කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
