ශ්‍රී ලංකා ග්‍රහලෝකාගාරයේ නිරීක්ෂණ කණ්ඩායමක් අද (13) මෙම අභ්‍යාවකාස වස්තුව නිරීක්ෂණය කිරීම සඳහා තංගල්ල වෙරළ තීරයට
ගොස් තිබේ.
අභ්‍යවකාශයට යවන ලද රොකට්ටුවක කැබැල්ලක් නොවැම්බර් 13 වෙනි සිකුරාදා දවල් 11.45ට පමණ ශ්‍රී ලංකාවෙහි දකුණු මුහුදු
වෙරළෙහි සිට සැතපුම් 62ක් පමණ දුරින් මුහුදට වැටෙන බවට වාර්තා විය.
මෙම ආකාශ වස්තුව මිනිසා විසින් යවන ලද රොකට්ටුවක කොටසක් හෝ 1960,70 ගනන් වල හඳට යවන ලද ඇපලෝ යානයක කොටසක් යැයි විශ්වාස කෙරේ.
මේ පිළිබඳව කොළඹ විශ්වවිද්‍යාලයේ මහාචාර්ය චන්දන ජයරත්න මහතාගෙන් කළ විමසීමකදී ප්‍රකාශ කළේ, පෙ.ව 11.49ට පමණ දකුණු මුහුද අහසේ කිසියම් පිපිරීම් දෙකක් එකවර සිදු වී ඇති බවට තමන්ට වාර්තා වී තිබෙන බවත් ස්ථානය නිශ්චිතව ප්‍රකාශකළ නොහැකි බවත් පැවසී ය.
මෙයින් වැඩි කොටසක් පෘථිවි වායුගෝලයේදී දැවී යන අතර ඉතිරි කොටස මුහුදට වැටෙතැයි විශ්වාස කරන බවත් එසෙත් නැතිනම්
සම්පූර්ණයෙන් දැවී යනු ඇති බවත් ශ්‍රී ලංකා ග්‍රහලෝකාගාරයේ අධ්‍යක්ෂ ප්‍රියංකා කෝරළගේ මහත්මිය රජයේ නිලපුවත් වෙබ් අඩවියට සඳහන් කළාය.
